I love my life...

Багын хууч хөдлөөд ...

2009-07-12T20:35:00.002+09:00

Ажлынхан нэг удаа салхинд бөөнөөрөө гарч хөлбөмбөг тоглодог юм байна. Тэгсэн сүүлийн үед хөл бөмбөгөнд их дуртай болчихсон, эрэгтэй байсан бол сайхан хөл бөмбөг тоглохгүй юу, даанч эмэгтэй болохоор надтай тоглох хүн олдохгүй хэцүү юм аа, тоглодог хүмүүстэй тоглоё гэхээр эмэгтэй юм байж яахын гээд байхын энэ хүмүүс. Хөл бөмбөг биш юмаа гэхэд боулинг, эсвэл бие хамгаалах урлаг, иог, такэондо ч юм уу, за болий төгөлдөр хуур(арай эмэгтэйлэг), ... яамаар ч юм, би багаасаа л их гадаа тоглож өссөн болохоор хобби хөдлөөд гоё тоглох гэхлээр энэ хүмүүс хамт пиво ууж тамхи татаж суухыг илүүд үзэх юм, яалтай нь билээ ...

Сонгууль ккк

2009-05-19T10:59:00.005+09:00

Өчигдөр гэрлүүгээ эрт хариад зурагт үзэж суухнээ, дан л сонгууль гараад байх бололтой юм аа. Эсвэл манай зурагт вирустцэн юм уу, тэр чигээрээ spam'аар бөмбөгдчих юмаа, TV5-аар тэр Энхбаяр , Элбэгдорж 2 ерөөсөө ээлжлээд л захиалгат нэвтрүүлгээ явуулаастай. Сайхан тархи угааж байна аа хэхэ. Энхбаяр дээр юмуу өндөг шиг өөгүй юм гэжийтэл, дараа нь Элбэгээ гэж бас нэг арилгасан сонгино хэдэн юм амлах юм, Эх орны хишиг эд нар, дээр нь нэмээд хувьцаа ч гэнэ үү, Элбэгээ зүгээр юмуу гэжийтэл тэр нэг балай үхэртэй реклам явах юм . Яалтай нь билээ ккк...

Мэдэхэд илүүдэхгүй

2009-05-18T15:26:00.003+09:00

ХҮМҮҮСИЙН ЭНЕРГИЙН АНГИЛАЛ
Эрчим хүч шимэгчид
Бидний ойр дотны хүмүүс, хамаатнууд, найз нөхөд маань энергийн шимэгчид болдог. Тэднээс салахад мэдээж амаргүй. Зарим тохиолдолд тэднийг таны энергийг сорж дуустал нь хүлээхээс өөр арга замгүй байдаг.
Тэднээс хамгаалахын тулд өөрийн оюун ухамсрын хөгжилд илүү анхаарч, муу муухай бүхнээс зайлсхийж, нэн түрүүнд бусдыг хайрлаж, уучилж сурах ёстой. Бусдад үргэлж гомдож, муудаж явсан хүн хамгаалах хүчээ алдаж, био талбай нь сийрэгждэг.

Өөрийн энергийг идэгчид
Энэ бол маш сонин төрөл зүйл. Тэд нууцлаг, хязгаарлагдмал хүмүүс. Хэрэгцээтэй үед энергийн хамгаалалт гаргаж, өөрийн дотоод энергийг зөв, ухаалаг хуваарилж чадна. Ихэнх тохиолдолд тэдний энерги нь тодорхой нэг газарт чиглэж, тэндээ “идэгддэг” ба ингэснээр сөрөг агуулгатай болон хувирдаг. Хүнд дурлаад, сэтгэлээ илчилж чадахгүй шаналагсдын ихэнх нь ийн өөрийгөө идэгч болон хувирдаг. Хөндлөнгийн сөрөг нөлөөлөлд автсан “өөрийгөө идэгчид” энэ сөрөг мэдээллийг удаан хугацаанд өөртөө хадгалдаг. Тэгээд байнга энэ мэдээллээ сэргээн санаж, өнгөрсөн явдлыг эргэн харж шаналсаар байдаг.
“Өөрийгөө идэгчид”-ийн хувьд нэн тэргүүнд байгальтай энергийн солилцоонд орж сурах чухал. Үүнээс гадна мөн биеийн хүчний дасгал хийж, гэрийн тэжээмэл амьтадтай харьцаж, ой модон дунд зугаалж, усан угаал үйлдэх хэрэгтэй.

Энергийн “хоосон сав”
Ийм хүмүүст байдаг нийтлэг шинж бол оюун ухаан, ухамсрын дорд хөгжил юм, тэд бусдад эрчимээ өгч мэддэггүй, тэгсэн атлаа өөрсдөө бас хаанаас авахаа мэддэггүй. Тэдэнд биоэнергийн солилцоо гэж бараг байдаггүй. Тэд амьдралын энергээ ихэвчлэн идэж ууж, эсвэл өөрт нь байхгүй эд юмсыг шунан харж нөхдөг. Тэдэнтэй харьцахыг хэн ч хүсдэггүй, яриа нь бүдүүн баргийн, бодол санаа нь гэнэн мунхаг байдгаас гадна хөндлөнгөөс харахад эсвэл хэт хойрго, эсвэл хэт хөдөлгөөнтэй хүний дүртэй. Хойрго гэдэг нь эрчим хүчээ алдахгүйг хичээдэгтэй нь, харин хөдөлгөөнтэй гэдэг нь энергийн алдагдлаа ямар нэгэн жижиг үйл хөдлөлөөр нөхөх гэсэн эрмэлзлэлтэй нь холбоотой. Гэхдээ л тэднийг хайрлах хэрэгтэй, тэдэнд хөндлөнгөс анхаарч, халамжилсан илрэл болгоныг талархан хүлээж авдаг тул чин сэтгэлээсээ хайрласан хүн тэдний хоосон савыг “дүүргэж” чадна

Энергийн зуучлагчид
Тэд маш их илэн далангүй, итгэлтэй хүмүүс. Эерэг эрчмийг хүлээн авах чадвар сайтай, харин сөрөг нөлөөллийг эсэргүүцэхдээ муу. Ямар ч энерги тэднийг нэвтлэн гарахдаа мөн чанараа өөрчилдөггүй. Эрчим хүчний зуучлагчид нь баяр баясгалан, амьдралын сайн сайхныг харамгүй хуваалцдаг ба ингэхдээ энэ эрчмийг яаж авснаа, тухайлбал гэнэт толгой дээр нь унаад ирсэн үү, эсвэл өөрийн хөдөлмөрөөр бий болгосон уу гэдгийг ер эрэгцүүлдэггүй. Тэдэнд байдаг нэгэн чухал шинж бол түүнд ирээд, дараа нь өөр хүн дамжуулагдсан энерги мэдээллийн оронгоо өөрчлөлгүй хадгалсаар байдаг. Тиймээс ихэнх зуучлагч нь бусдын хувьд хэтэрхий шулуухан буюу хүүхэд шиг томоогүй гэх сэтгэгдлийг төрүүлдэг.

Энергээ гээгчид
Тэд ихэвчлэн хэрэгт дурламтгай хүмүүс байдаг болохоор илүү үгэнд дурлан, эсвэл өөрт хамаагүй зүйлд хошуу дүрж, бусдыг уурлуулан бухимдуулж, өөрсдөө эвгүй байдалд ордог. Энергээ гээгчид нь энергийн вампируудад биеэ цэнэглэх сайхан боломжийг олгоно. Тэд өөрийгөө ухамсартайгаар хамгаалж чаддаггүй. Гэсэн ч тэдэнд далд ухамсрын хамгаалалт буй. Тиймээс тэд зарим нөхцөл байдалд энергийг хангалттай авч чаддаг. Залхуу хүмүүсийг энэ төрөлд хамруулдаг. Бид цаг хугацааг дэмий үрж алдсанаар энергээ ч мөн алдаж, өөрийн чадавхи чансааг муутгана. Тиймээс энергийн цоорхойд орохгүйн тулд энгийн физик үйлдлүүдийг хийхийг нэн түрүүнд оролдох ёстой.

Энергийг “ залгигчид”
Вампирууд ч, донорууд ч залгигчид болж чадна. “Залгигчдын” хоёр төрөл зүйл байдаг. Хамгийн өргөн тархсан нь их мэдрэмтгий хүмүүс. Тэд эргэн тойронд болж байгаа үйл явдлуудын тухай их бодож эрэгцүүлдэг. Тэдний анхаарал, дүн шинжлэлд ойр дотны хүмүүсийнх нь амьдралын жижиг сажиг бэрхшээл төдийгүй орчлон хорвоо, ертөнцийн цар хүрээтэй том асуудлууд ч өртдөг. Нөгөө нэг төрөл нь бол өөрсдийн гоц авъяасын хүчээр орчиндоо нөлөө үзүүлэхийг хүсэгчид юм. Энэ тохиолдолд хэт хурдассан биоэрчмийн солилцоо нь өөрсдийг нь хорлодог. Үзмэрч болох нь эргээд тэднийг хүндээр өвчлүүлнэ.

Энергийн “шүүлтүүр “
Ихэнхи тохиолдолд ямар нэгэн шалтгааны улмаас энергийн зуучлагчид нь “шүүлтүүр” болон хувирдаг. Гэхдээ нийгмийн халамж, сэтгэл зүйн тусалцааны салбарт ажиллагсад, радио, телевиз, сонин гээд хэвлэл мэдээллийн салбарын ажилтнууд энергийг “шүүх” чадвартай болдог. Учир нь тэд янз бүрийн, эмгэнэлтэй болон инээдэмтэй нөхцөл байдалд их ордог. Энэ үед тэдний дотоод “шүүлтүүр” ажиллаж эхэлнэ. “Шүүлтүүрийн “ хувьд хамгийн хурдан өөрийгөө ариусгах арга нь бол хүйтэн усаар угаал үйлдэх, халуун цай уух, цэцэрлэгт хүрээлэнгээр зугаалах, мододтой харьцах явдал юм. Харин “шүүлтүүр” болохыг хүссэн хүний зөн билэг сайтар хөгжсөн, биоэнергийн өвөрмөц онцлогтой байх ёстой гэдэг.

Энергийн “хана”
Таагүй явдлууд ч энэ хүнээс ойдог. Өөрөөр хэлбэл, тэд таагүй явдлуудыг, муу энергийг ойлгох чадвартай. Гэхдээ тэдний “хананаас” ойсон сөрөг энерги нь анх түүнийг илгээсэн эзэндээ тэр болгон очдоггүй. Тиймээс энергийн “хана” нь олон хүнд таагүй явдал учруулдаг. Өөрөөр хэлбэл, өөрт нь огт хамаагүй ямарч буруугүй хүмүүст ч гай тарина. Учир нь түүнээс ойсон сөрөг энерги нь ойж хаа ч хамаагүй тусна. Ийм хүмүүстэй нөхөрлөх нь их аюултай. Шашны мухар сүжигтнүүд, шашны элдэв урсгалын гишүүд энергийн “хана” болдог. Тэд гадаад ертөнцөөс бүрмөсөн тусгаарлагдаж, хэсэг бүлгийн хамгаалалтыг үүсгэдэг, сүжиг нэгт олон хүний оролцоотойгоор энэхүү хана нь олон дахин хүчирхэгждэг ба энд хүн болгон “ханыг” бат бэх болоход хувь нэмрээ оруулдаг.

Энергийн “толь”
“Толь”-руу илгээгдсэн сөрөг буюу эерэг энерги нь анхлан үүсгэсэн эзэндээ эргэн ойж тусдаг. Гэхдээ “толь” нь нэгэн төрлийн мэдээллийг ганцхан удаа ойлгож чадна. Тэд үүнийг огт бодож төлөвлөлгүй тодорхой чиглэлд илгээдэг. Ямар ч толь өөртөө мэдээллийг хадгалдгийн адилаар хүн “толь” өөртэйгээ тааралдсан хүн болгоны мэдээллийг удаан хугацаагаар өөртөө хадгална.
Эрчим хүчний энэ төрөлд хамрагсдыг насан туршид нь хадгалагддаг нүднийх нь өвөрмөц гялбаагаар нь таньж болно. Тэдний нүүр царай дүр төрх хэнтэй ч харьцаж байгаагаас шалтгаалан өөрчлөгдөж байдаг. Гэхдээ “толинд” туссан өөрийн дүр төрхийн анхны тусгалд сохроор итгэх хэрэггүй, учир нь энэ нь ямар нэгэн утгыг илэрхийлдэггүй, харин толины гүнд жинхэнэ мэдээлэл нь хадгалагддаг шүү дээ.

“Энергийн наалдагч”
Тэднийг эрчим хүчний аль төрөлд хамаардгийг тогтооход амаргүй. Тэд мөн л ялгаагүй вампирууд боловч шимэгчид шиг энергийг шууд сорохгүй. Харин хүний амьдрах орон зайд нэвтрэн орж, салахгүй удаан хугацаагаар оршдог. “наалдагч” хэн нэгэнтэй танилцмагцаа ямар нэгэн зүйл асуухыг хүлээлгүй, өөрийн тухай ярьж эхлэх ба ингэхдээ нөгөө хүн рүүгээ асар их сөрөг энергийг цацдаг. Тэдэндтэй харьцахгүй байх амаргүй. Өөрийн дотоод бүх энергийг дайчилснаар “наалдагчаас” салж болно.

gej negen niitleld bichjee.

Өөртөө

2009-05-18T15:11:00.003+09:00

Хүн өөрийн олсон мөнгөө яг гурван тэнцүү хуваагаад, 1/3-ийг нь аав ээждээ зориулах хэрэгтэй, тэд чамайг өсгөж өндийлгөсэн учир чи тэдэнд өртэй. 1/3-ийг нь үр хүүхэддээ зориулах хэрэгтэй. Ирээдүйд тэд чамайг тэжээх учраас. 1/3-ийг нь өөртөө зориул. Чи яг одоо амьдарч байгаа учраас... гэжээ.

Хэдэн хором эргэцүүлэхүй...

2009-03-19T19:16:00.003+08:00

Хорвоо шудрага бус зүйлээр дүүрэн шүү.
Нэг нь зүгээр ус уугаад сууж байхад нөгөө нь орой болгон шоудаад л, нэг нь найз залуу байхгүй явж байхад нөгөө нь хэд дэх амьдралаа ч юм эхлээд явж байдаг,
Нэг нь гэртээ хүүхдээ хараад сууж байхад нөгөөтөх нь хүүхэн эргүүлээд л явж байдаг.
Нэг нь код бичээд сууж байхад нөгөө хэсэг нь metropolis'т бүжиглээд л явж байдаг.
Араатан амьтадтай зүйрлэх юм бол өвсөн тэжээлтэн, махан идэштэн юмуу даа. Махан идэштэнгүүд нь өвсөн тэжээлтэнгүүдээрээ хооллоно.
Би ерөөсөө цагаан хоолноосоо гарч мах иддэг болно оо гээд хазайгаад явчихгүй юу кэкэ.
Гэхдээ явж явж хувиа борлуулаад хүнд хал палгүй гэмгүй сайхан амьдраад явж байгаа нь алинд нь ч хамаарагдахгүй юмуу даа.
Шудрага ба шудрага бус зүйлүүдийн тухай бодоод байх хэрэг ч алга. Бодох болсон шалтгаан гэвэл ганц өндгийг нь идэх гэж 2200-аар хоол авч иддэгт л уур хүрээд байна. хэхэ. Гэрээсээ уг нь сайхан хоол хийж ирээд ажил дээрээ идэж болох ч яагаад ч юм хоол хийхээс бүүр төсөөрөөд, тэр тогоо шанага нийлүүлэх гэж гар салгалдаг болж. Яагаад ч юм сэтгэхүйд хоол хийнэ гэсэн ойлголт орж ирэхгүй байгаа болохоор шудрага бус зүйлтэй нүдээ аниад эвлэрээд яваад байгаа...

Conflicts of mind, soul, body ...

2009-02-16T21:53:00.011+08:00

Заримдаа найзууд маань ганцаараа эрх чөлөөтэй амьдрах юмсан гээд , гэрийнхэнтэйгээ байдаг байж тусдаа байр хөлслөж амьдрана гээд л.
Харин би эсрэгээрээ гэрийнхэнтэйгээ цуг байдаг бол сайхнаа гэж бодох үе зөндөө л байдаг. Гэвч нэгэнт л боломжгүй тул хувь заяатайгаа эвлэрч энэ тухай бодохоо ч больж байх шиг байна даа.

Үнэндээ заримдаа хэн нэгэн намайг нэг сайн загнаад өгөөсэй гэж бодох үе ч гардаг. Тэгсэн мөртлөө эгчдээ загнуулах дургүй, би гэдэг хүн заримдаа өөрийнхөө учрыг олохоо больчих юм.
Заримдаа хийх ёстой ажлаа дуусгалгүй гэртээ харьчихна. Тэгээд л өөрөө өөртөө: за Болороо минь хийж дуусгах ажил байгаа гялс дуусгачих тэх үү гэж өөрөөсөө гуйна. Ойлгуулахыг хичээнэ. Бөөн юм болно. Гэтэл би нэтээр дэмий тэнээд за гэчихээд л суугаад байна. Гэртээ би даанч юм хийдэггүй юм. Марожин авч өгөе хийчих тэхүү гэнэ.
За гэнэ. Тэгээд дэлгүүрээс марожин авч өөрөө өөртөө өгнө. Иднэ. Идчээд хийхкү. За тэгүүл хоол хийж өгье тэгүүл хийх үү?
За гэнэ. Тэгээд өөртөө хоол хийж өгөөд л. Иднэ. Идчээд тухгүй байна гэнэ. За тэгүүл орондоо ороод хий гэнэ. За гэнэ. Тэгээд орондоо ороод л толгой эвтэйхэн байрлал олонгуутаа нам. Ичих ч үгүй унтаад өгнө дөө. Өөрийгөө би сүүлийн үед ойлгохгүй байгаа. Өөрөө өөртөө их хатуу ханддаг, сайн хүн гэж өөртөө итгэж явсан юмсан. Гэрээ санаад байгаа юм болуу?

I love music

2009-01-24T21:46:00.003+08:00

Сүүлийн үед надаас хүн болгон нэг ижил асуулт асууж дарамталдаг боллоо. Найз залуутай болж хүнтэй суугаач, эсвэл яагаад найз залуутай болохгүй байгаан эд нар гээл. Яагаад ч юм сүүлийн үед хүн ингэж асуухаар хүний эрхэнд халдаж байгаа мэт санагддаг болчихож.
Өчигдөр хуучин ажлынхан уулзалдаад очдог юм байна. Тэгсэн нэг найз маань намайг мэндийн зөрөө ч байхгүйгээр, найз залуугаа дагуулж ирэхгүй яасан юм гэж хошигнож байх юм. Энийг одоо тандсан асуулт гэж ойлгох уу, тавласан асуулт гэж ойлгох уу, хэхэ, мэдэхгүй болохоор тоож толгойгоо гашилгасан ч гүй.
Миний хувьд хүнтэй сууж яараад байх нас биш л юм шиг санагддагшт . Ид хийж бүтээх залуу нас байхад заавал яах гэж хүнтэй сууна гэж яарах ёстой юм. Тэртэй тэргүй л хүнтэй суухаас цааш, эрх чөлөөндөө би юу юунаас ч илүү хайртай. Ажил дээрээ би дуртай үедээ оройтож, тоглож болно. Дуртай үедээ муухай ч хамаагүй хоол хийж иднэ, дургүй бол хийж идэхгүй гээд л. Бүх юм минийхээр байх надад таалагддаг.
Надтай адилхан хүнтэй суугаагүй хүн хар мянгаараа, хавь ойрынхон бол ихэнхи нь, надаас 5 эгч хүн хүртэл хүнтэй суугаагүй гоёоороо явж л байнадаг. Хэвийн л үзэгдэл биздээ.
Надаас дахиж энэ асуултыг хэн нэгэн битгий асуугаасай, залхуутай байна...

New Day

2009-01-01T17:14:00.002+08:00

Шинэ оны эхний өдөр их азтай байгаа. Өчигдөр хуучин оныг ганцаараа гаргалтай биш гээд эгчийнх рүүгээ очиж он гаргасан болохоор блогтоо оруулах хуучин оны бичлэгээ сая орууллаа.
Өглөө эгчийнхээсээ гараад явж байхдаа 2 ч удаа ихэр хүүхэдтэй дайралдсан. Бас явж байгаад мөнгө олсон. Энэ юуных вэ? Мэдээж азынх. Энэ онд намайг аз ивээх байх гэж их билэгшээгээд олзны мөнгийг авсан. Гэгээрсэн хүн авах байсан болвуу?
Аз гээд авах л байсан дөө. хэхэхэ.

Бага насаа гэж...

2008-11-22T10:17:00.009+08:00

Бага насаа гэнэт дурсмаар санагдаад. Их гоё байждээ.
Яагаад ч юм аав,ээж маань тайвуу, уужуу хүмүүс байсан болохоор бид ч дураараа өсөж дээ. Хүний амьдралын аз жаргалтай үе бага нас гэдэгтэй хэн ч маргахгүй хэдий ч аав,ээж, ах, 2 эгч, дүү гээд бид бүгд хамтдаа сайхан байжээ. Миний хүвьд бол бөөн адал явдал байсан.
Манай байр бусад байрнуудаас хамгийн олон хүүхэдтэй байсан. Мэдээж залгаа байруудыг гүйцэхгүй л дээ. Тэгээд байрны хүүхдүүдтэйгээ нийлээд л өглөө эрт 9 цаг гэж босоод л гэрээсээ гарна.Тэгээд дээс, эрзэн, чирта , баавгайн чих , гээд л явж өгнө дөө. Тэгээд л өлсөхийн эрхэнд өдөр 2,3 цагийн үед гэртээ орж ирээд ээжийн хийсэн будаатай цайг гялс идчээл хам хум гараал явчина. Энэ хооронд нөгөө хэд маань бас хоолоо идээд буцаад гараад ирнэ. Тэгээд л дэлгүүр, худалдагч, эсвэл айл гэр болоод бие биенийдээ зочлоод л, эсвэл элсэн дээр очиж элсээр байшин барих юм уу эсвэл өндөг эд нар хийдэг байсан. хэхэ. Тэгээл хэрвээ өөр байрныхан ирвэл хоорондоо нөгөө бэлдсэн өндгөөрөө шидэлцэж байлддаг байсан. Ээх. Заримдаа бас аймар байсан шүү. Тэгээд нэг тоглоомоосоо залхаж эхэлвэл өөрийг тоглоод л яасан ч их тоглоом мэддэг байсан юм. Заримдаа байрныхаа чиртакан дээр гарч хүмүүсийг дээрээс харах дуртай байсан, бас дургүй хүн явж байвал дээрээс нь юм шидчихээд бушуухан бууцгаагаад гэмгүй юм шиг явцгаадаг байж билээ. Тэгж бодохоор би нээрээ сахилгагүй хүүхэд байсан юм шигээ. Тэгээд л өдөржингөө тоглоод орой 6 цагийн үед гэртээ орж хоол идчээд дахиал гадаа. Орой арай бүрэнхий болоод ирэхээр нуугдаж тоглоно, эсвэл аяга хагарана, эсвэл хөшөө болоод аль түрүүлж хөдөлцөн нь нөгөө хэдийгээ инээлгэж хөдөлгөх гээд янз бүр болно. Заримдаа бүүр өвсөөр байлдана гээч. Манай байрны гаднах хашааны өвс их өтгөн, өндөр ургадаг байсан юм. Нуугдаж тоглох үед өвсөн дотор нь орчихоор харагддаггүй байсан юм. Байрны гадаах өвсийг аав маань полкон дээрээс шаланкаар даралттай болгож байгаад усалдаг байж билээ. Тэр үед цаг ч сайхан байсан байх. Одоо бол тэр өвснүүд байхаа больж шороо болон хувирсан даа. Зуны амралт нэг иймэрхүү байдалтайгаар хурдан өнгөрч зуныхаа даалгаварыг хийж амждаггүй байлаа. Бүтэн 2 дэвтэр хуулан бичиг эд нар гээд, Багш мэдсэн юм шиг хичээнгүй бичиг гээд хэлцэн болохоор зүгээр хурдан сараачиж болкү. Тэгээл байрныхаа хүүхдүүдийг уриалж байгаад арай гэж нэг цуг дуусгадаг байж билээ. Хэхэ.
Тэгээд би полкон дээрээ од харж унтах дуртай байсан. Тэнгэрт гялалзах олон одод, тэнгэрийн заадас гээд харах тусам сонирхолтой тул ээж, аав 2 оос гуйж гуйж байгаад л полкон дээрээ унтдаг байсан. Манай байрныхан бас. Дээд айлын полкон дээр Ширнээ, Тэмүүлээ гээд 2 хүүхэд,4 давхарт Анхаа, Зурмаа гээд эгч дүү 2, хажуугийн подизний 4 давхарт Ариунаа дүүтэйгээ, 5 давхарт нь Жижгээ гээд хүүхэд нээх онцгүй хөгжим чанга тавьчихна. Тэгээл нөгөө хэд наад хөгжмөө суллаачээ унтмаар байна гээд л. Их хөгжилтэй санагддаг юм.
Яагаад гэнэт бага нас ингэж гоё санагдаад эхэлвээ. Бодож санах юмгүй, аз жаргал дүүрэн байсан болохоор тэр юм болвуу. Бага насыг маань жаргалтай байлгасан ээж аавдаа би ачийг нь хариулах юмсандаа. Гэтэл одоо нэг л их завгүй хүн болчихож...
Нэг удаа ээж аав 2 биднээс бүүүр залхаад амар амгаланг олсугай хэмээгээд эмээгийнх рүү 4 хоног явуулсан. Тэгээд 4 хоночоод эргээд ирсэн чинь аав, ээж 2 бүүр уйдцан, бид нарыг байхгүй удаан байх юм бол ёстой хэцүү юм байна дахиж явуулахгүй гэж билээ.
Тэр үед ээж аав маань биднийг харж баясдаг байсан бол одоо хэзээ ирэх бол гээд л хүлээгээд сууж байгаа гэж бодохоор... Хүн ер нь юуны төлөө яах гэж амьдардаг юм бол доо ...

Нарлаг өдөр

2008-10-30T15:36:00.000+08:00

Блогоо хаадаг юмуу гэснээ нартай өдөр таарсан тул үргэлжлүүлэхээр шийдлээ. Олон аашинд минь гомддоггүй блогтоо хайртай. Бас зарим нэг хүний блогоо бичээчээ гэж гуйсны дагуу уншдаг хүн байдаг юм байна гэж итгээд ийнхүүүүү... гээд олон үг нуршаад ч яахав.

Нартай өдөр гэснээс энэ нар өнөөдөр ямар хурц байх юм бэ. Гадаа хүйтэн ч цонхны наранд ёстой нэг... зунаас илүү аягатай ус маань буцлахнээ. Гэхдээ би зүв зүгээр байгаа л даа ...
Би чамайг өдөржин бодлоо
Зүгээр л чамайг өдөржин бодлооо... гээдэл нээх завтай хүн шиг дуулаал байвал гоё оо. Даанч завгүй нь сайхан юмдаа.

Dream car

2008-08-04T15:29:00.004+09:00

Гүйээ мөн сайхан амьтан байгаа биз. Сайхны өмнө нүд буруугүй ээ гэж. кхххххх.

Нэгэн хэвийн амьдрал алдагдсан нь

2008-04-24T21:02:00.018+09:00

Товчхондоо бол тэрээр өглөө сэрээд ажилруугаа явдаг.
Ажлаа тараад гэрийнхээ үүдэнд ирж хаалгаа түлхүүрдэн онгойлгодог.
Тэгээд бүхэл өдрийнхөө ядаргааг тайлахын тулд шүршүүрт ордог. Үгүйсэн бол тэр өглөө сэрж чадахгүй бөгөөд түүнийг сэрээхийн тулд далд ухамсар байтугай чарладаг сэрүүлэг ч нэмэр үл болох бөлгөө. Үүнийгээ ч тэр өөрөө мэдэх авай.
Тэгээд тэр маргааш өглөөнийхөө ажилдаа хоцрохгүйн тулд даруйхан унтая гэж бодох боловч өнөөх олон ангит цувралаа дуустал нь үзэж байж сая санаа амраад унтах авай.

Энэ бүгд нийт n удаа давтагдсан бөгөөд n = ? гэж тэр толгойгоо гашилгадаггүй.

Харин нэг өдөр тэрээр энэ бүх заншлаа эвдээд, ажлаасаа тараад эгчийнх рүүгээ зүглэж автобусанд суувай. Уг нь бол тэр гэрийнхээ үүдэнд яг ирж байх ёстой бөгөөд харин энэ удаад тэр автобусанд сууж байгаа юм. Автобусанд ороод тэр хамгийн арын суудал дээр суулаа. Уг нь бол тэр өдийд гэрийнхээ гадаа ирчихээд цүнхнээсээ түлхүүрээ авч хаалгаа онгойлгох ёстой байлаа. Харин одоо бол тэр автобусны кондукторт мөнгөө төлөх ёстой тул цүнхээ ухах авай. Түлхүүр олдлоо. Май ..
Тэрээр автобусны кондуктор луу түлхүүр сарвайснаа гэнэт хараад ... :D
Кондуктор хараад мэл гайхсан байж таарна. Бусад хүмүүс хараад хэсэг инээж байгаад больсон. Харин тэрээр инээдээ барьж чадахгүй байсан тул автобуснаас буун буутлаа инээсээр ... хаха.

mmxmmmxmm..

2008-04-04T10:57:00.005+09:00

Эртэээ урьдын цагт дурлаж байхдаа бичсэн шүлэг :
Чиний дуртай дууг
Би шимтэн сонсож
Чиний дуртай өнгөнд
Би үхэн хатан дурлаж
Чиний явж байсан замаар
Би хөлөө зөөн алхалж
Чинийх гэсэн бүхэн
Минийх байхыг хүснэ.
Дуртай өнгө, дуртай дуу, хаагуур явдгийг нь мэдэхгүй байж яагаад ингэж дурлаж байснаа одоо сайн ойлгохгүй байна өө. Гэхдээ хэн нэгд хэрэг болж магад гээд бичиж үлдээв :D. Хэтрүүлэгтэй санагдаад байвал больчихгүй юу дөө.

Ubuntu linux on Virtual PC

2008-03-16T14:00:00.011+08:00

Хэрвээ таны PC хүчин чадал нь сайн бол XP болон Linux - ийг 2 өөр partition дээр хувааж суулгах шаардлагагүй. Заавал хөөрхий pc-гээ ажил ихтэй байхад нь хүчээр унтуулж, сэрээж байхаар Virtual PC гээчийг суулгаад л тэрэн дээрээ линуксаа суулгачих. Тэгээд нэг цонхноос нөгөө цонхруу шилжих мэтээр л линуксаа хэрэглэхэд цаг хэмнэх болтой.
Миний хувьд RAM 4G, CPU 4.0, Hard 250 тул ямар нэг ачаалал өгөхгүй амар санагдлаа.
Гэхдээ бас линукс нь зүгээр шууд суучдаггүй юм байнаа. Ubuntu 7.10 - ийн бүүтийг уншуулахад хулгана, гар орж ирэхгүй байсан тул google ахаас салахгүй гуйсаар байгаад нэг хэлүүлж авсанаа доор сийрүүлье. Хэн нэгд хэрэг болж магадгүй юм.
Хулгана, гараа идэвхтэй болгохын тулд VMAdditionsForLinux_64Bit or VMAdditionsForLinux_32Bit - ийг татаж суулгах хэрэгтэй. Тэгээд бүүт уншиж дуусаад install хийх дэлгэц гарч ирэхээр Alt+F1 - ийг дарж цонх руугаа шилжинэ. Дараагийн алхам бол таб'аараа System -> Preferences -> Universal access -> Keyboard Accessibility - рүү орж таб-аа ашиглан keyboard болон mouse -ийг space-ээр check хийгээд хаана. Ингэсний дараа гар ажиллагаанд орох ба NumLock дахь тоонуудаар яг л NoteBook-ий пад шиг хулганаа удирдана. Их зугаатай юм. 5 - ийн тоо enter-ийн үүрэг гүйцэтгэж бусад тоо нь чиглэлийнхээ дагуу 4 зүг 8 зовхис руу хулганыг хөдөлгөнө.
Тэгээд тусад нь хард дискнээсээ зай хувиарласан тул manual-аар суулгахгүй нь мэдээж. Суулгасны дараа Alt+F1 - ийг ашиглан terminal нээж sudo gedit /boot/grub/menu.lst -файлыг нээн “kernel” гэсэн бичигтэй мөрийн төгсгөлд "i8042.noloop" - гэж бичээд, хадгалаад цонхоо хаан reboot хийгээд болоо. Ингээд таны хулгана эрх чөлөөтэй болно.
Ингэж гар хулгана ажилладаггүй нь linux-ийн нэг bug болтойдог.
Таньд амжилт!!!

Сайн сайхны төлөө.

2008-03-09T14:34:00.007+08:00

Зиа хө. Нервийн тухай шууд ярьмаар санагдчихлаа. Энэ хүмүүс яагаад зовлон тоочих дуртай байдаг байна аа. Энэ чин халдварт өвчин тарааж байгаатай л ялгаагүй санагддаг юм. Хүний зовлонг сонсонгуут л чих өвдөөд нөгөө ярьсан юмыг нь бодохоор уур хүрээд тэрийг нь би бас өөр хүнд ярьж байж санаа амрах жишээтэй. Мартын наймнаар нөхөр нь эхнэрээ баярлуулахгүй утсаа салгаад алга болсон, эсвэл нөхөр нь бэлэг өгөөгүй хэд хоног дугарсангүй энэ тэр гээд л. Үнэндээ тэд нар эрт хүнтэй суусны балаг уу гэвэл бас үгүй юмаа. Хүнтэй сууснаар жаргадаггүй гэж үнэн үг шүү. Бас хүнтэй суухгүй байлаа гээд жаргал нэмэгддэггүй гээд байдын байналээ. Тэхээр хүний жаргалтай, эсвэл зовлонтой байгаа нь хүнтэй сууснуу эсвэл хүнтэй суугаагүйгээс болсон уу гэдэгтэй огт холбоогүй бөгөөд хүн зүгээр л өөртөө зовлон, жаргалыг зохиож, тэр зохиолоороо амьсгалж амьдардаг шүүдээ. Нөхөр нь өөр хүнтэй зугаалаад алга болсон тухайд гэвэл зовох нь аргагүй л дээ. Гэхдээ өмнөх эхнэрээс нь салгаж байж суусан юм чинь тэгэхгүй яах юм. Хуучин эхнэрээ баярлуулах гээд л талийна шүү дээ, хамгийн сайнаар бодоход. Тэхээр тийм хүнтэй суусан өөрийнх нь л буруу. Ай хөөрхий гэж.
Хүнд гай болохгүйхэн шиг амьдарчих юмсан.
Хүн болгон жаргал зохиож түүгээрээ аз жаргалтай амьдрах болтугай. Хэхэ.

Birthday

2007-06-28T13:43:00.000+09:00

Хайрт найз Тунгаагийн маань төрсөн өдөр 3 хоногийн өмнө болоод өнгөрсөн байсныг санав. Ай халаг гэж. Гэрээ мартсан Гэсэр одоо бүр найзынхаа төрсөн өдөр бүү хэл, Аавын ухаант үгс, Ээжийн энэрэнгүй сэтгэл, Ахын алтан сургаал, Эгч нарын хайраас хол яваад, тэднээсээ хол ямар их удаавээ :(( Гэхдээ гэртээ удахгүй очино гэсэн бодолтой бас санаа нэг их зовохгүй л цайгаад явжийнэ.
10 жилийн 6 - р ангид байхад манай ангид цав цагаахан царайтай, буржгар үстэй, жижигхээн туранхай хүүхэлдэй шиг хөөөөрхөөөөн охин анх шилжиж ирж билээ. Хэдийгээр би олон найзтай ч чи бол миний хамгийн сайн найз маань юм шүү!! За ингээд мэндчилгээгээ хүргэе:

Давалгаалан долгиолох далайн ус хэдий арвин ч
Дархан-Уулын мөнх сарьдаг хэдий өндөр ч
Даанчиг зузаан бидний нөхөрлөлийг
Яахин гүйцэх билээ гээд хайрт найз Тунгаа чамдаа өнгөрсөн ч гэсэн төрсөн өдрийн баярын мэнд хүргэе!!! I love you. You love me :D

Бүдүүн мисс

2007-04-23T12:14:00.001+09:00

Хагассайны өдрийн өглөө 11.30 - аас тэнгист Бүдүүн мисс үзнэ гэж билетээ урьдчилаад авцан байсан болохоор яах ч аргагүй өглөө эрт босдог баатар сэрж чадахгүй хоцорч очлоошд. Кино эхэлцэн байдаг. Би гэдэг хүн микртойгоо гүйчихмээр л санагдаад байдаг. Хэрэггүй билет авдаг байж ухааны юм бодож байтал цуг үзэх найз маань утасдаад би бас хоцоржийнэ гэлээ. хэхэ. Гоё кино гээд байхаар нь л өглөө эрт үзнэ гээд билетийг нь урьдчилаад авцан. Үргэлжлүүлээд дэлгүүр хэсэх төлөвлөгөөтэй.
За тэр ч яахав. Кино их сонирхолтой юм аа. Эхний хэсгийг нь үзэж чадаагүй ч. Аймар тарган Кан Ханна өөртөө гутраад эмчтэй уулзаж байхад нь тэнгист орж ирэв. Үнэхээр тарган. Царай муутай. Уул нь гоё хоолойтой боловч тайзан дээр гарахад хэтэрхий тарган тул тайзны араас дуулж хүнд хоолойгоо ашиглуулдаг өрөвдөлтэй Кан Ханна гэгч эмэгтэйг хараад Пөөх ямар аймар...тарган юмбэ. Гэхдээ энэ бол кино. Кино үзэхээрээ заримдаа хичнээн гоё санагдсан ч энэ бол кино гэж бодхоор л нээх сэтгэл хөдөлдөггүйн. Тэгээд тэр мэс засалд орсныхоо дараа хэн ч танихын аргагүй тураад, их хөөрхөн болдог. Тийм тарган байж байгаад тэгж их өөрчлөгдөнө гэдэг ч ... гэхдээ энэ кино. Амьдралд ч одоо ийм юм бий л дээ. Өөрийгөө толинд хараад уйлах нь ч хөөрхөн, хөлрөх нь ч хөөрхөн гээл. Их инээдтэй. Тэгээд угийн гоё дуулдаг тул алдартай болж эхлэнэ. Өөрийнх нь аав мэдрэлийн эмнэлэгт асруулдаг боловч Ханнагийн дууг үргэлж сонсдог фэн нь байв. Өөрийнх нь охин гэж мэдэхгүй. Харин Ханна буюу нэрээ өөрчилсөн Жени аавыгаа танихгүй царайлна. Учир нь аавыгаа гээд хэлчүүл хайртай залуу нь түүнийг таньчихна гэж айдаг. Үүнд нь дургүйцсэн ганц найз нь Женитэй найзлахаа болино. Киноны төгсгөл хэсэгт Жени тоглолтоо хийх болсон чин аав нь үзэхээр ирсэн байлаа. Аавдаа их хайртай байсан учир Жени аавыгаа танихгүй царайлж чадсангүй. Тэгээ л бөөн уянгын халил ээлж дараалан яваал. Нэг мэдсэн хажууд хамар шуухитнаж байнаа. Харсан чин найз маань нилбусаа сэм арчин суувай. Би ч дагаал нилбусу бөмбөрүүлж орхилоо. Уг нь кино үзээд нээх уйлаад байдаггүй. Энэ чин кино гэсэн мөртлөө л дүрдээ ороод уйлаадээлэй. Тарган байхдаа хайртай байсан залуудаа зориулж бичсэн шүлэг, дуугаа дуулаал. Бүдүүн үеийнх нь дуулж байгаа бичлэг томоор гараал. Ханна өөрөө уйлаал. Тэрийг нь сонсож би уйлаал. Найз маань уйлаал. Хүмүүс бас уйлаал. Дараа иймэрхүү кино үзэх гэж ирвэл усны гуталтай ирэх нь хайшаа юм ямар ч байсан томхон алчуур, зоонток авчирч үзнээ гсн ;)

Үргэлжлүүлэн дэлгүүр хэссэн тухайд гэвэл ер нь хагас бүтэнсайнд дэлгүүр сайн хэсвэл ажлын хэсгийнхэнтэйгээ нилээд дайралдаад байх шинжтэйдэг шүү. хэхэ.

Аливаа хүн сурсан, эс сурсанаараа л хэмжигдэнэ.

2007-04-14T13:48:00.001+09:00

Блог дээрээ ойрд бичлэг нэмсэнгүй. Нэг хэсэг уншигч боллоо. Блогийг маань шүүмжлэх хүн ч бас байдаг л даа. Бичих гэж бичдэггүй ч гэх шиг. Энэ шүүмжлэлийг ерөөсөө ойлгоогүй. Уг нь бичлэг нэмж байгаа маань бичих л гэснийх шүү дээ. Гэхдээ би өөрийнхөө блог дээр юу дуртайгаа л бичиж байгаа. Бичсээр л байх болвуу. Яахав хүн амьтан дэлгэцээ хагалчихгүй л бол. Ер нь тэгээд эхэлвэл дэлгэцний бизнес эрхэлнээ хө.

Амралтын өдөр эрт босох ч зүгээр л юм байна. Ойрд Кунзын сургаалийг хааяа ч юмуу нэг уншиж байя гэж бодлоо. Кунзын сургааль юугаараа алдартай вэ гэвэл хувь хүн, айл гэр, төрийн түшээд, улс орон гээд бүхий л хүрээг хамардаг бөгөөд тус бүрд нь ямар байх ёстойг нь номлодог гээд хэдхэн үгээр базаад хэлчүүл Кунзын сургаалийг судалж эхлээч гүй байж түүхий дүгнэлт болох вий. Дээх нь үед бол төрийн сайд, түшмэд болох гээд бүхий л шатанд Кунзын номлолоор шалгалт авдаг байсан гэдэг. Хэдийгээр бидний мах цусанд Хятадуудыг үзэн ядах сэтгэл шингэсэн байдаг боловч зарим хэрэгтэй зүйлээс суралцах хэрэгтэй л гэж боддым. Хятад дэлхийн хамгийн их хүн амтай боловч тэр олон хүнийг нэгэн судсаар чанга атгаж байдаг үзэл бол Кунз юм. Япончууд үүнээс их суралцан бараг үндэснийхээ үзэл болгосноор одоо их хөгжилтэй орон болж байгаа.
Хятадын нэгэн кинон дээр асар их цус асгаруулсан тулаан болсоны дараа, баяр яг цагтаа эхлэх ёстой байсан учир олон хүн цуглахаас өмнө хар мянган зарц нар гарч ирээд л хачин сайн зохион байгуулалттайгаар тэнд юу ч болоогүй юм шиг болтол нь ул мөр үлдээлгүй цэвэрлэж, баярын уур амьсгалтай болгочихож байгаа юм. Бүгд яг л нэг хүн шиг. Хэдхэн минутын дотор л. Киноны энэ хэсэг л их сэтгэгдэл үлдээсэн дэ.

За бүр хадуураад явчихлаа. Өглөө сэрээд Фукузова Юкичийн "Эрдмийг сурах ухаан" номыг цайгаа уунгаа уншиж эхэлтэл "Энэ ертөнцөд аливаа хүн сурсан, эс сурсанаараа л ялгагдаг(!!!). Эрдмийг их хураасан хүн дээд зиндааных, биеийн ажил хийдэг хүмүүн нь доогуур зиндаанд ормуй" гэсэн үгийг их анхааралтай уншлаа. Энэ эрдэмтэн Кунзыг их судалсан эрдэмтэн ч энэ бол өөрийнх нь хэлсэн үг гэж бодож байна. Дээрх өгүүлбэрийг уншаад их зүйлийг нэгэн дор зэрэг ухааравшд. Бараг л өмнөх амьдрал нүдний өмнүүр зурсхийн өнгөрч бушуухан цаас үзэг авч ирээдүйн төлөвлөгөөгөө гаргах гэснээ заа за толгой дотроо л төлөвлье гэж залхуурав. Угаасаа миний сурах судлах зүйл тодорхой байгаа учир өөрөө л хичээсүгэй! хичээсүгэй! хичээсүгэй! (Унтаж байгаа дүүгээ сэрээхгүйн тулд дотроо 3 удаа алга хавсрав).

Таавар мэт Sound

2007-03-26T19:48:00.002+09:00

Блог дээрээ тавьсан клипийг өнөөдөр л сонслоо. Sound нь зүгээр болчихож. Уг нь миний PC winamp, media player гэх мэт тоглуулагч дээр саунд нь зүгээр мөртлөө net - ээс дуу татаж сонсох гэхээр л дуу нь явдаггүй байсын. Аргаа барахдаа "James Blunt - You're Beautiful" - ийн MP3 - ийг клиптэй нь амных нь хайрцгийг тааруулж 1 удаа сонссон. Нэгэн сайхан өдөр зүгээр болгочихвол яаж зүгээр болгосон талаараа блог дээрээ бичье гэж бодсон боловч саунд маань өөрөө зүгээр болчихымдаа. Уг нь PC - ний маань driver install байхгүй байсан учир sound - ийг нь суулгах гэж net-ээс Audio driver хайж татаж авсын. Энд л бага зэрэг таараагүй ч юмуу, no байсан бололтой. Гэхдээ хэн нэгэнд хэрэг болж магад гээд URL - ийг нь үлдээв. Клип нь ч дажгүй явж байна. Огт явахгүй болохоор нь урамгүй байсын.
За тэгээд их алхдаг улирал маань эхэлж байна. Алхаад л алхаад л. Гоё шүү.

Өөрт байдаг хэдэн дуунуудаа сонссоор байгаад залхаж байсан учир гэртээ байх ёстой Bravo Hits - ийн хос CD - хайж оллоо. Урамтай байна шүү. Хуучин дуунуудаа дөнгөж сонсож эхэлвүү үгүй юу л толгой дохиод байсын. Хөгжим сонсож байж юм хийдэг энэ зуршил ер нь муу юу үгүй юу? сайн хэлж мэдэхгүй юм :D.

Хар бараанаар харахуй

2007-02-25T16:31:00.000+08:00

Тасхийсэн өвөл дуусч хавар эхэлж байна. Тасхийсэн ч гэж дээ. Энэ өвөл ер нь хэдэн удаа цас орчвоо. Гарын 10 хуруунд лав багтахгүй. За тэр өвөл ч яахав. Энэ хаврыг уу. Нилээн шороогоор шуурах шинжтэй. Яджийхад микрогоор өглөө ажил руугаа явна гэдэг ч. Ажлаасаа хоцрохгүйн тулд 20 минутийн запастай гардийн. Даанч явж байтал нөгөө микрог нь цагдаа хэд хэд зогсооно. Тэгээд л ажлаасаа хоцроно. Монгол хэзээ энэ хүнд суртлаасаа ангижрах юм болоо. Эрхэм гишүүд бодож бодож, тунгааж тунгааж, засаж засаж нэг хууль зодолдох шахан байж гаргахын. Энэ зурагтыг хараад байхад. Нөгөөдхийг нь даанч яаж л бол яаж ашиглаж болдог нь сонин. Гайгүйхэн шиг мөнгөтэй бол ер нь тэгээд хууль мууль гэдгийг цээжлээд ч яадгийн. Цагийн гарз. Цагаа гарздахгүйн тулд мөнгөө л цуглуулах хэрэгтэй. Ер нь хуулиа мэддэг монгол хүн их цөөхөн байх. Их хурлын гишүүд хүртэл мэддэггүй ч юмуу хууль зөрчөөд байхад мань мэт нь мэдэхгүй гээд хэлчүүл нээх буруудаад байх юм байхгүй. Хэхэ. Над шиг хүн олон байхад Монгол ер нь яаж хөгжнөө гсн. Гэхдээ нээх сайхан хэрэгждэг хууль гаргачвал ажлынхаа илүү цагаар суугаад цээжлэхгүй юу.

Бүх хуулиа хүн болгон цээжилдэг. Хуулиа сайн мэддэггүй бол сайхан амьдардаггүй. Хуулийн ганц 2 бүлгийг л мэддэггүй хүн гараад ирвэл шоолдог энэ тэр. Гэхдээ тийм хүн бараг байдаггүй гэх зэрэг. Тийм сайхан цаг ирчүүлч Монгол дорхноо л хөгжөөд явчихна даа. Хувьсгалт намыг хараад байхад том том хэдхэн даргатай. Бусад нь бүгд бууны нохой байдаг бололтой. Том дарга нар нь дандаа нас дээгүүр. Арай залуу нь бууны нохой. Ер нь бууны нохой гэдгээ ч мэддэггүй байх. Тэхээр би лав улс төрч болсон бол өдийд бууны нохой болцон, хурдан хөгшрөөсэй, дарга болох юмсан гээд явжийх байхдаа. Ямар азаар улс төрч болчоогүй юм гэсэн шүү юм бодож байтал арай гэж нэг ажил дээрээ иржугам.

Ажлынхаа ойролцоо нүүгээд ирчүүлч юун микро. Сайхан явган алхахгүй юу. Даанч агаар их утаатай. Микрийг муулж муулчаал ичихгүй орой нь ажлаасаа тараад л микронд сууж ажилдаа нухлуулсан бололтой зовхи нь унжиж хагас зомби царайлсан хүмүүсийн дунд хагас зомби царайлаад тэд нарыг харахгүйн тулд бушуухан нүдээ аниад арай гэрэл гэгээтэй зүйлс бодохыг хичээн гэртээ хурдан очхийнсон гэж залбираад явжугам. Бусад хүмүүс бас адилхан л ингэж дарамтанд ордог байхдаа. Монгол улс хэзээ хөгжиж энэ хүмүүсийн зовхи нь өөдөө явах юм болоо.

Clip

2007-02-25T14:55:00.000+08:00

Akon I Wanna Love You ft Snoop Dogg

[Akon:] Convict...Music...and you know we up front.

[Chorus: Akon]
I see you windin’ and grindin’ up on the floor
I know you see me lookin' at you and you already know
I wanna love you, you already know
I wanna love you, you already know

[Snoop Dogg]
Money in the air as mo’ fell
Grab you by your coattail, take you to the motel, ho sale
Don’t tell, wont tell, baby say “I don’t talk, Dogg unless you told on me” - oh well
Take a picture wit me, what the flick gon’ do
Baby stick to me and I’ma stick on you
If you pick me then I’ma pick on you
d-o-double g and I’m here to put this d*** on you
I'm stuck on p**** and your’s is right
Rip ridin’ the poles and them doors is tight
And I’ma get me a shot ‘fo the end of the night
Cuz p**** is p**** and baby you’re p**** for life

[Chorus: Akon]
I see you windin’ and grindin’ up on the floor
I know you see me lookin' at you and you already know
I wanna love you, you already know
I wanna love you, you already know

[Akon]
Shorty I can see you ain’t lonely
Handful of n***** and they all got cheese
See you lookin’ at me now what its gon’ be
Just another tease far as I can see
Trynna get you up out this club if it means spendin' a couple dubs
Throwin’ bout 30 stacks in the back make it rain like that cuz I'm far from a scrub
And you know my pedigree, ex-deala use to move phetamines
Girl I spend money like it don’t mean nuthin’ and besides I got a thing for you.

[Chorus: Akon]
I see you windin’ and grindin’ up on the floor,
I know you see me lookin' at you and you already know
I wanna love you, you already know
I wanna love you, you already know girl

[Snoop Dogg]
Mobbin' through the club and I’m low pressin’
I’m sittin’ in the back in the smoker’s section (just smokin’)
Birds eye, I got a clear view
You can’t see me, but I can see you (baby I see you) -mm
It’s cool, we jet, the mood is set, your p* is wet
You’re rubbin’ your back and touchin’ your neck
Your body is movin', you humpin' and jumpin'
Your t****** is bouncin', you smilin' and grinnin' and lookin’ at me

[Akon]
Girl and while your looking at me I’m ready to hit the caddy
Right up on the patio move the patty to the caddy
Baby you got a phatty, the type I like to marry
Wantin’ to just give you everything and that’s kinda scary
Cuz I'm lovin the way you shake your ass
Bouncin', got me tippin' my glass
Lil' mully(?) don’t get caught up too fast
But I got a thing for you

[Chorus: Akon]
I see you windin’ and grindin’ up on the floor,
I know you see me lookin' at you and you already know
I wanna love you, you already know
I wanna love you, you already know

[Chorus: Akon]
I see you windin’ and grindin’ up on the floor,
I know you see me lookin' at you and you already know
I wanna love you, you already know
I wanna love you, you already know

girl...

Happy Valentine

2007-02-14T08:46:00.000+08:00

Юуны өмнө миний блогоор зочилж байгаа танд гэгээн валентины баярын мэнд хүргэе. Валентиний баярыг яагаад тэмдэглэх болсон талаар товчхон мэдье гэвэл эндээс хараарай.
Linux дээр одоогийн цагийг секундээр олоход 1970 оноос хойш боддог юм болуу. Ямар ч байсан HP-UX - дээр 1900 оноос хойш боддог бололтой. Гэхдээ үүнийг доорх маягаар шалгаад үзчиж болно.
long
BinToSec(year, mon, day, hour, min, sec)
long year;
long mon;
long day;
long hour;
long min;
long sec;
{
time_t ysec;
struct tm tim_data;

tim_data.tm_year = year - 1900;
tim_data.tm_mon = mon - 1;
tim_data.tm_mday = day;
tim_data.tm_hour = hour;
tim_data.tm_min = min;
tim_data.tm_sec = sec;
tim_data.tm_isdst = -1;

ysec = mktime( &tim_data );
if ( ysec == (time_t)-1 )
{
return( Rc_FAITAL );
}
return( (int)ysec );
}
long sec_now = BinToSec(2007, 02, 14, 14, 02, 47);
sec_now - г одоогийн цагийг секундээр олоод харьцуулж үзсэн HP-UX - дээр лав 1900 байналээ. 1970,1900- ийн ялгаа нээх хэрэггүй боловч миний хувьд төхөөрөмжийн цагийг зөв таарч байгаа эсэхийг шалгахад ашигласан хэрэг. Хэрвээ linux дээр програмаа биччээд HP-UX дээр ажиллуулбал шууд л буруу ажиллаад төхөөрөмжөөс бөөн цаг таараагүй гэсэн аларм явчихаж болох юм(туршиж үзээгүй лдэ). Ямар ч байсан гэгээн валентиний өдрийг секундээр ингээд гаргачиж болох байхаа.
Happy Valentine's second !!!

Бага ч болов санаа амрав

2007-01-27T21:09:00.000+08:00

Блогийн маань хэв загвар надад ердөөсөө таалагдахгүй байсан учир загварыг нь багахан ч болов өөрчиллөө. Уг нь албаны маягийн загварыг сонгодог юмуу гэснээ чөлөөт загварыг илүүд үзэж өөрийнхөө хүссэнээр өөрчилөхөөр шийдлээ. Гарчгийн хувьд өөрийнхөө дуртай шүлгийн мөрөөс тавилаа. Уг нь google ахаас html - ийн талаар асууж байгаад нилээн юм өөрчлөе гэж бодсон боловч заримыг нь өөрчиллөө. Би чин өнөөдөр ажлаа хийх ирсэн хүн шүү дээ.Кодын ажил маань нэгдэх гэхэд тестлэгдэж дууссан байх ёстой учраас блогоороо нэг шурд гэж ороод байгаа маань энэ. Дараа арай илүү гоё болгох бодолтой байнаа.

Муу зуршлаа хаяцгааяаааааааааа гэж

2007-01-26T09:08:00.000+08:00

Хараалын үг хэлдэг хүмүүсийг заримдаа гайхдаг. Хэлээд сурцан болохоор их зохино гэж. Харин надад бол огт зохихгүй. Ер нь би хараалын үг хэлж огт чаддаггүй. Амнаас яагаад ч гарахгүй шүү. 10 жилд байхад би нэг удаа "алийшүү" гээд хэлцэн чин юу сонсчвоо гэсэн шиг бүх хүн эргэж харсан. Миний ичсэн гэж. хэхэ. Гэхдээ зарим хүмүүс хараалын үг хэлж уураа гаргадаг байх лда. Харин би тэгж чаддаггүй болохоор заримдаа их уурладаг байх
Заримдаа би уур хүрэхээрээ "чөтгөр гэж" гэж үнэн голоосоо хэлдэгээ нуух юун. Тэгэнгүүт ойр орчныхон над руу гайхаж харна.
Ер нь хараалын үг хэлэх маш муу юм шиг байгаам. Ажил үйлс нь бүтэхээн байна. Монгол хүн амны билгээр, нэг үгийг мянган удаа хэлэбэл үнэн болдог ч гэж үг байдаг.

Саяхан би зурагтаар нэг кино үзэж байсан бааранд нэг тасархай эмэгтэй тамхи татаад л. Тэгээд би ер нь тамхи татвал ямар харагдах бол(мэдээж би тамхинд орохгүй лдэ. Хажууд хүн тамхи татвал уур хүрнэ гэж) гээд угаалгын өрөөнд нууцаар тамхи зуугаад толинд харсан чин угаасаа зохихгүй юм байналээ.
Нүдэнд дасаагүй болооод ч тэр үү. Үнэхээр инээдтэй харагдаж байна лээ. Тамхи татдаг хүмүүс ер нь эхэлж өөрсдийгөө толинд хараагүй л болвуу. хэ.

Ядаргаа

2007-01-16T12:44:00.001+08:00

Шөнөжингөө унтаж чадсангүй гэж ярьдаг хүмүүсийг одоо л нэг ойлгох шиг болж байна. юугаа бодоод унтдаггүй юм бол доо гэж гайхдаг байсан. Ер нь бодолтой огт холбоогүй юм байна. Унтаж чадахгүй байна гэдэг ёстой там юмаа. Өглөө эрт ажил руугаа хоцролгүй очих ёстой. Уг нь эртхэн унтвал маргаашийн ажлаа их сайн хийдэг. Унтах юмсан. Миний нойр хүрээд байна. Гэтэл хажуу айлийн зурагтын чимээ унтуулах шинж ер алга. Өчүүхэн чимээ хүртэл унтахад саад болоод байх юм. Урд нь яадаг байсан юм болоо. Стресст орхоор юм болгон л амар тайван байдлийг алдагдуулах шиг болох юм. YM - ээр үл таних этгээд өдөр болгон албатай юм шиг өөрийгөө нэмээд л хэрүүл хийх юм. листээсээ устгаад байхад. Тэгснээ эвлэрэе ч гэх шиг. Ажилд саад болоод байна гэж хэлээд ойлгохгүй болохоор нь ignorдсон. Өдөр болгон нэг хүн ignore хйидэг болсон. Ямар завтай гар нь ингэж хүний ажилд саад болдог байнаа ч гэж бодох юм. Танихгүй байж шүү.
Өчигдөр бас нэг этгээд утсаар танихгүй байж хүргэж өгөе ч гэх шиг. Тэгснээ би чамайг танихгүй чи хэн юм ч гэх шиг.Зарим хүмүүс яагаад ийм хагас ухаантай байдгийг би бодож толгойгоо гашилгадаггүй ч заримдаа өмнөөс нь өрөвдөж нулимс дуслуулмаар санагддаг гсн.
Юм бүхэн яагаад ийм дургүй хүрмээр байгааг бодох юм бол депресст орох байлгүй.
Ер нь хүн ядаргаа болохоороо их инээдтэй юм боддог гэсэн. Сүүлд нь бодоход шүү дээ. Тухайн үед бодож байсан сэтгэгдлээ цаасан дээр буулгаад сүүлд нь харахад их инээд хүрдэг шүү. жишээ нь:
Эртнээс очихыг хүсэж мөрөөдөж байсан газарт чин чиний харшилтай ургамал ургадаг бол яах вэ, маш их хөдөлмөр гаргаж хийсэн ажил чинь хэнд ч хэрэггүй байсан байвал яах вэ, маш сонирхолтой ном уншиж дуусах гэж байтал гол дүр нь үхчихвэл яах вэ. Заза. үнэндээ ийм гутранги үзэлтэй байх юм бол юу хийж бүтээх болж байнаа. Хи хи. Би ийм гутранги үзэлгүй л дээ. Хадуурч байна. Стресс маань ихэдсэн бололтой.

Ганцаараа хооллох тийм ч сайхан биш юм байна лээ шүү

2007-01-08T13:20:00.000+08:00

Өчигдөр найзтайгаа “Aero” – д уулзахаар тохиролцож хэн түрүүлж ирсэн нь загасны битүү шөл, цуйван захиалаад хүлээж суухаар болдог юм байна. “Aero” – ийн загасны битүү шөл надад таалагддаг л даа. Тийм болохоор тийшээгээ л ер нь хоолонд ордог болоод нэг жил болж байна.
Очоод 2 хоолоо захиалчихаад хүлээгээд л суугаад байлаа. Нөгөө найз маань ирдэггүй. Хоолнууд ч боллоо. Идэхгүй хүлээх үү гэж байснаа идэж эхэллээ. Ядаж байхад зөөгч нь гайхсан байдалтай хараад байдаг. Би ч тоосон шинжгүй идэж гарлаа. Сүүлдээ байдал нэг л биш. Хоолоо идээд дуусчлаа. Арай найзад маань ямар нэг таагүй явдал тохиолдоогүй байгаа гэж санаа зовж эхэллээ. Бараг орж ирснээсээ хойш 50 мин өнгөрлөө. Анх удаа л ганцаараа хоол идэж үздэг юм байна. Тэгээд яагаад ч юм эргээд хартал найз маань яг миний ард нуруугаа нийлүүлцэн сууж байдаг байгаа. Урдаа бас загасны битүү шөл, цуйван захиалцан, цуйвангаа идээд дуусцан бодолд орцон суужийдгийн. Бид 2 бие биенээ яагаад хараагүй юм болоо гэж гайхаад. Ядаж байхад нуруугаа нийлүүлж суугаад байхдаа яахав дээ. Хэхэ. Ер нь ингэж тохиролцсон тохиолдолд түрүүлж ирсэн нь хаалга руу харж суух хэрэгтэй юм байналээ шүү. Тэгээд сүүлд ирсэн нь хараа муутайгаа марталгүйхэн шиг нүдээ нэг эргүүлж тойруулж харах хэрэгтэй. Тэгэхгүй бол хоолныхоо тооцоог 2 дахин нэмж төлнө шүү дээ.
Би гэртээ ганцаараа бол хоол хийж иддэггүй лдээ. Ер нь бол хоол хийж иддэггүй. Хэрвээ ажлаа тараад гэртээ хоол хийж иднэ гэвэл үүр цайх байлгүй. Тэгээд унталгүй ажил дээрээ ирэлтэй ч биш. хэхэ. Ээж маань намайг ийм гэдгийг мэддэг болохоор хааяа "нөхөр минь хоол хийж идэж байгаа юу" гэж утсаар асууна. Мэдээж би санааг нь зовоохгүйн тулд тэгж байгаа л гэж хэлнэ. Ер нь бол ганцаараа хоол идэж бараг л үзээгүй байсан юм. Ямар ч байсан санаанд алга.Заза. Дараа арай хэрэгтэй юм бичнээ.

Миний блогоор зочилж байгаад баярлалаа.

2006-12-09T15:09:00.000+08:00

Блог дээрээ юу бичих вэ гэж нилээн бодлоо. Тэмдэглэл бичээгүй удсан байна.

10 - н жилд байхдаа тэмдэглэлийн дэвтэр дээр тэмдэглэл бичдэг байсан л даа. Гэхдээ голдуу зураг зурдаг байсан. Нэг удаа би зураг харж зурсан. Тэгсэн аав маань итгэхгүй гэрэлтүүлсэн байна гээд цонхон дээр гэрэлд тааруулж үзсэн чин яг таардгиймдаа. Азаар намайг зурж байхад дүү маань харж суусан болохоор гэрчтэй байсан юм. хэхэ. Харин одоо зураг зураагүй уджээ. Тэмдэглэл бичихээ бүр болиод 5 жил болж байгаа болохоор энэ тал дээр авьяасаа уландаа гишгэсэн бололтой. хэхэ. Авьяас ч гэж дээ. Голдуу шүлэг, дууны үг, зүйр үг цуглуулдаг байсан. Өөр ямар хоббитой байсан бэ гэвэл номыг ухаан мэдрэлгүй уншдаг байсан. Сайн бичсэн уран зохиол бол уран зураг байдаг юм гэж аав хэлж байсан санагдана. Аан тийм. Бас сийлбэрийн дугуйланд явдаг байсан. Анхны бөгөөд эцсийн уран бүтээл маань модоор хийсэн оцон шувуу байсан юм. Гэхдээ их гоё болсон. Одоо даанч хаана байгааг хэлж мэдэхгүй нь. Магадгүй гэрийн музейд хадгалагдаж байгаа л болвуу. Энэ чиглэлээр дагнасан бол явцгүй ч овоо юм хийх байсан гэж өөрийгөө боддог юм. хэхэ. Ер нь бодоод байхад юм, юм руу л үсчиж сонирхож байгаад л хаячихдаг байсан юм байна. Төгөлдөр хуурч болно гэж нэг хэсэг гэрийнхнээсээ зөрсөн. Зурагтын нэвтрүүлэгч болно гэж нэг хэсэг боддог байж. Дуучин болно гэж гэртээ чанга, чанга дуулж гэрийнхнийгээ, дээд доод айлаа нэг хэсэг залхаасан. Ер нь их мөрөөдөмтгий байсан юм болвуу даа.
Блогоо бичих явцад зарим зүйлийг эргэн санахад хуучны зуршил, сонирхол, ... бүгд ул мергүй алга болсон байх юм. Тэгээд би юу сонирхдог билээ гэж еерийгее тодорхойлох гэсэн байдаггүй. За яахав. Одоо бол би компьютертэй холбоотой зүйлсийг сонирхдог болохоор сэтгэлээр унах юу байхав.Харин ч өөртөө баярладаг юм. хэхэ.
Анх ажилд орохоос емне програмист болно гэсэн зорилготой байснаас яг тодорхой зорилгогүй байсан л даа. Харин одоо зорилго маань тодорхой болж байгаа гэж болно. Харин зорилгодоо хүрэхийн тулд еерийгее хэрхэн дайчлах вэ. Магадгүй блог бичих нь чухал нелее үзүүлэх байх гэж бодлоо. Блог дээрээ хэрэгтэй зүйл бичихийн тулд өөрийгөө хегжүүлэхэд илүү анхаарах болно.